Rotaract klèb Jakmèl la resevwa 2 òdinatè nan men Fondasyon FSC Renand pou bibliyotèk Lise Henry Christophe la.

Rotaract klèb Jakmèl resevwa 2 òdinatè mak HP ke Fondasyon FSC Renand bay vandredi 21 novanm 2025 la. Ekipman teknolojik sa a fè pati pwojè pou ekipe bibliyotèk Lise Henry Christophe nan Marigo.

Gras a donasyon sa a, bibliyotèk la ap kapab amelyore jesyon espas li, modènize sèvis li yo, epi bay zouti apwopriye pou òganizasyon, aksè a resous dijital, ak administrasyon. Daprè reprezantan yo nan Fondasyon FSC Renand, jès sa a enskri ak yon vizyon pataje pou ankouraje aksè a edikasyon epi sipòte enfrastrikti lekòl nan rejyon an.

Félicienne Justin, prezidant Rotaract Club of Jakmel pou ane Rotaraksyen 2025-2026 la, kwè ke don sa a se yon rapèl ke travay klèb la ap fè a itil e ke kominote a kwè nan chanjman nou vle pote a.

Rotaract Klèb Jakmèl la vle remèsye Fondasyon FSC Renand pou jès enpòtan sa a ki pral ranfòse misyon klèb la nan pwomouvwa edikasyon ak ankouraje siksè akademik.

Lise Henry Christophe nan Marigo pral resevwa yon bibliyotèk ak 2,000 liv ak mèb (chèz, tab, biwo), ansanm ak fòmasyon espesyalize pou bibliyotekè a pou amelyore jesyon ak òganizasyon espas la. Pri total pwojè a se 1,100,375.00 goud.

Mwen resevwa de òdinatè yo

Odinatè HP

Ekip Kominikasyon